Hækkun 1000 m

Hlaupið er á Skaganum milli Arnarfjarðar og Dýrafjarðar, sem gjarnan er kenndur við Sléttanes eða Svalvoga, stundum kallaður Fjallaskagi en kannski oftast nefndur Vestfirsku alparnir. Fyrir skagann er enginn þjóðvegur en þar er stórmerkilegur og löngu landsþekktur ýtuvegur, einkaframtak Elísar Kjaran á áttunda áratugnum.

Rásmark í tvöfaldri Vesturgötu er á Þingeyri. Þaðan verður hlaupið inn Kirkjubólsdal og upp á Álftamýrarheiði. Efsta brún hennar er í 544 m hæð en háheiðin er þó ekki nema nokkrar bíllengdir að lengd. Lækkun hefst því strax aftur og liggur leiðin niður Fossdal að sjó í Arnarfirði og stuttan spöl út að næsta dal, Stapadal. Fyrir neðan Stapadalsbæinn er rásmark í heilli Vesturgötu. Þaðan liggur leið hlaupara úr báðum þessum vegalengdum eftir ýtuvegi Elísar Kjarans út í Lokinhamradal og áfram fyrir Sléttanes að Svalvogum. Nálægt Svalvogum er rásmark í hálfri Vesturgötu. Þaðan er hlaupið að Dýrafjarðarmynni, eftir syllunni í Hrafnholunum inn í Keldudal og þaðan áfram inn Dýrafjörinn að Sveinseyri. Þar er endamark í öllum hlaupunum. Hlaupið er niður brekku í lokin þannig að allir koma í mark af mikilli reisn.

Endamark hlaupsins er á Sveinseyri sem er í nokkra km fjarlægð frá Þingeyri. Þar bíða keppenda bæði drykkir og léttar veitingar. Rútur selflytja keppendur eftir þörfum inn á Þingeyri.

Drykkjarstöðvar

  • Eftir um það bil 6 km, Kirkjubólsdalur
  • Eftir um það bil 15 km, í Kvennaskarðinu
  • Eftir um það bil 21 km, Stapadal við 24km rásmarkið
  • Eftir um það bil 26 km, Lokinhamradalur
  • Eftir um það bil 32 km, Sléttanes
  • Eftir um það bil 39 km, í mynni Keldudals
  • Eftir um það bil 43 km

Á drykkjarstöðvunum verður boðið upp á Gatorade orkudrykk frá ölgerðinni og vatn. Athugið að keppendur verða sjálfir að vera með sitt glas

Rástími

  • Hlaupið hefst kl. 8.00 frá Íþróttahúsinu á Þingeyri
  • Mæting kl. 7.45
  • Hægt er að skilja auka föt eftir (í töskum) og verður þeim komið í markið á Sveinseyri

Skyldubúnaður

  • Margnota glas eða brúsi
  • Álteppi og flauta
  • Jakki
  • Orka sem samsvarar amk 500 kcal
  • Mögulegur skyldubúnaður, fer eftir veðurspá og verða keppendur látnir vita 1-2 dögum fyrir hlaupið
  • Buff/húfa og vettlingar
  • Háir sokkar/kálfahlífar eða síðbuxur
  • Ef eitthvað bjátar á mun fulltrúi heimamanna reka lestina á bíl, til öryggis fyrir okkur hlauparana. Að vanda skal þó tekið fram að keppendur eru á eigin ábyrgð í hlaupinu

Aldurstakmarkanir

  • 16 ára

https://itra.run/Races/RaceDetails/Hlaupah%C3%A1t%C3%AD%C3%B0.%C3%A1.Vestfj%C3%B6r%C3%B0um.Tv%C3%B6f%C3%B6ld.vesturgata/2023/82738