Ótrúlega falleg leið og yfirleitt kindur með lömb á hverju strái. Byrjað er við tjaldsvæðið í Skálavík en þar byrjar fljótlega létt hækkun með beinum kafla þar til hlaupið er framhjá sumarhúsunum. Þegar komið er fram hjá þeim kemur lítileg brekka niður á við, vegurinn er svolítið laus í sér með smá holum þannig gott að vera í utanvegaskóm. Eftir niðurbrekkuna kemur strax brekka upp á við með nokkrum hæðum en þegar komið er vel inn í vikina er örlítil niður brekka til að létta aðeins à púlsinum fyrir Skàlavíkurbrekkuna miklu. Þá kemur stífur kafli upp á við með töluverðri hækkun. Þegar komið er upp þann bratta lendir maður á flata en svo er ferðinni heitið niður á við þar sem flogið er niður brekkuna alveg að sveitabænum í Tungu en þá er komið á malbik og ljúf leið í bæinn, smá brekka uppá við þegar kemur að skógræktinni en hlaupið er í gegnum hana og svo sem leið liggur að Íþróttahúsinu þar sem markið er. Eftir hlaupið verður keppendum boðið í sund og mun verðlaunaafhending fara fram á sundlaugarsvæðinu. Þar verður boðið upp á drykki frá Ölgerðinni, banana, súkkulaði og aðra orku.