Hlaupahátíð á Vestfjörðum verður haldin dagana 18. – 19. júlí 2025. Í ár verður hátíðin með breyttu sniði en einblínt verður á kjarna Hlaupahátíðarinnar, hlaupin. Keppnisgreinar fyrri dagsins eru nýjustu hlaup hlaupahátíðarinnar, annars vegar 7 km utanbrautarhlaup þar sem hlaupið er frá gönguskíðasvæðinu á Seljalandsdal og niður í miðbæ Ísafjarðar og hinsvegar hið nýja 15 km Óshlíðarhlaup sem byggir á eldra hlaupi með sama heiti. Þar er hlaupið milli bæjarfélaga, þ.e. frá Bolungarvík til Ísafjarðar, um aflagða veginn um Óshlíð sem fyrir 2010 var eina samgönguleiðin á landi milli þessara tveggja bæjarfélaga, og endað í miðbæ Ísafjarðar.
Seinni daginn geta hlauparar notið hinnar sívinsælu Vesturgötu og að venju er hægt að velja um hálfa (10 km), heila (24 km) eða tvöfalda Vesturgötu (45 km).
Sunnudaginn 20. júlí býður íþróttafélagið Höfrungur á Þingeyri upp á 2 og 4 km skemmtiskokk í tilefni 120 ára afmælis íþróttafélagsins. Hlaupið hefst kl. 11 frá kirkjunni á Þingeyri.
Hlökkum til að sjá ykkur fyrir vestan,
Kveðja frá stjórn hlaupahátíðar.
Aðrar fréttir
Takk fyrir!
Hlaupahátíð á Vestfjörðum er full af þakklæti til þátttakenda, sjálfboðaliða, styrktaraðila, björgunarsveita og áhorfenda sem komu á hátíðina í ár.
Erfiðleikar við skráningu á Hlaupahátíð
Hlaupahátíð hefur fengið margar ábendingar um að erfiðleikar komi upp þegar greiða eigi fyrir skráningu. Ástæða þess er að villa