Arnarneshlaupið var haldið í fyrsta sinn á Hlaupahátíðinni 2015. Þar sem vegurinn um Óshlíðina var ekki talinn öruggur til að beina þangað keppendum þá urðum við að finna nýja leið til að halda götuhlaupið okkar á hátíðinni. Við vorum lengi búin að hafa þessa leið í huga og eftir að hafa skoðað málin vel og lengi var ákvörðun tekin. Hlaupið hefur tekist mjög vel og verður hlaupið í ár án efa engin undantekning.
Hálfmaraþonið mun hefjast í Súðavík og liggur leiðin um Súðavíkurhlíð, gegnum Arnarneshamar, fyrir Arnarnesið, Kirkjubólshlíð og svo sem leið liggur niður í miðbæ á Ísafirði þar sem hlaupið mun enda. 10 km hlaupið mun svo hefjast á Arnarnesinu og enda á sama stað, á sjálfu Silfurtorginu. Frjálsíþróttasambandið hefur mælt leiðina fyrir okkur og er hlaupið því löglegt.
Starttímar verða þeir sömu og í fyrra, startið í hálfmaraþoninu klukkan 20.00 og í 10 km hlaupinu klukkan 21.00
Aldurstakmörk eru í Arnarneshlaupinu skv reglum frá Frjálsíþróttasambandi Íslands en í 10 km hlaupinu er 12 ára og eldri (2007 og eldri) heimilt að taka þátt og í 21,1 km er 15 ára og eldri (2004 og eldri) heimilt að taka þátt